“S’ia vlen të shtyhesh me ty”, Teuta Selimi me thumb, kujt po i drejtohet?

Këngëtarja e njohur Teuta Selimi ka shkaktuar zhurmë të madhe në rrjetet sociale pas një postimi të papritur që publikoi në orët e para të mëngjesit në Instagram. Në një mesazh të gjatë dhe të drejtpërdrejtë, artistja la të kuptohet se është zhgënjyer thellë nga dikush dhe se ka mbyllur përfundimisht çdo mundësi pajtimi. Ajo theksoi se i beson intuitës së saj dhe asaj që ka parë e dëgjuar vetë, duke deklaruar prerë se nuk do të kthehet pas në vendimin e marrë.

Në pjesën më të ashpër të reagimit, Teuta iu drejtua personit në fjalë pa përmendur emra, por me një gjuhë shumë të fortë. Ajo e cilësoi atë si “të dobët” dhe pa vlerë për t’u përballur, duke shkruar shprehjen tashmë virale: “S’ja vlen as me u shty me ty.” Me këto fjalë, këngëtarja nënkuptoi se ka ndërprerë çdo raport dhe nuk ka ndërmend të hyjë në debate të mëtejshme.

Më tej, artistja bëri një krahasim goditës, duke folur për njerëz që sipas saj “vetëm marrin frymë”, por nuk kanë peshë njerëzore apo karakter. Duke iu referuar fjalëve të një miku, ajo e vendosi personin që po kritikonte pikërisht në këtë kategori, çka tregon për një zhgënjim të thellë dhe një thyerje totale besimi.

Në fund të mesazhit, Teuta Selimi u kërkoi ndjesë ndjekësve të saj për ngarkesën emocionale të postimit, por e trajtoi situatën me një notë ironie duke e quajtur këtë një “taksirat” që duhej ndarë me publikun. Reagimi i saj ka nxitur menjëherë pyetje të shumta mes fansave, të cilët po pyesin se kujt i drejtoheshin këto fjalë kaq të rënda.