Nuk do të ketë tatim retroaktiv, do t’u dilet në ndihmë qytetarëve nga jashtë, sqaroi Petrova

Tatimi i të ardhurave të qytetarëve që kanë punuar jashtë vendit është një detyrim ligjor i përcaktuar në Ligjin për Tatimin mbi të Ardhurat Personale dhe nuk është bëhet fjalë për tatim retroaktiv, theksoi drejtoresha e Drejtorisë së të Ardhurave Publike, Elena Petrova, pas takimit të sotëm Lidhjes së Odave Ekonomike të Maqedonisë.

Ajo shpjegoi se detyrimi ishte në fuqi në vitin 2020, por shumica sot përballen me probleme në sigurimin e provave për taksën e paguar jashtë vendit. Prandaj, DAP po merr masa, siç tha, për të përmbushur nevojat e tyre, duke përfshirë marrjen e të gjitha llojeve të provave dhe inicimin e bashkëpunimit administrativ me administratat tatimore të huaja.

Nga afërsisht 1.100 qytetarë të cilët kanë punuar në Afganistan dhe Irak, afërsisht 200 prej tyre kanë dorëzuar tashmë dokumente. Për pjesën tjetër, DAP ka kërkuar lista dhe të dhëna të kompanive në mënyrë që t’i verifikojë zyrtarisht.

Kontrolle shtesë do të kryhen edhe për qytetarët e dërguar në misione paqeruajtëse, për të cilat taksa është paguar përmes Ministrisë së Mbrojtjes.

Petrova paralajmëroi se vendimet paraprake do të zëvendësohen me vendime përfundimtare për vitin 2020 dhe se procesi i korrigjimit do të pezullohet derisa të merren të gjitha të dhënat e nevojshme.