Kryetari Thaçi uron besimtarët myslimanë

“Të nderuar qytetarë,
Në vigjilje të Muajit të Shenjtë të Ramazanit, ju shpreh urimet më të sinqerta për një agjërim të lehtë, të pranuar dhe të begatë.

Uroj që ky muaj i bekuar t’ju sjellë paqe, shëndet dhe harmoni në familjet tuaja, si dhe më shumë solidaritet, mirëkuptim dhe unitet në shoqërinë tonë. Le të jetë Ramazani një kohë reflektimi, afrimi me njëri-tjetrin dhe forcimi i vlerave më të mira njerëzore.

Ky muaj të na udhëheqë drejt veprave të mira, bashkëpunimit dhe solidaritetit, duke na kujtuar rëndësinë e mbështetjes së njëri-tjetrit”, ka shkruar kryetari Thaçi.