Hiqet ndalesa për kamionët dhe autobusët në rrugën Gostivar-Strazhë-Kërçovë

Nga Ndërmarrja Publike “Rrugët e Maqedonisë” njoftojnë se ndalesa i trafikut për automjetet e rënda në rrugën Gostivar – Strazhë – Kërçovë është hequr nga ora 14:30. Ndalimi ishte vendosur sot nga ora 9:40 në të dyja drejtimet e rrugës për shkak të reshjeve të borës.

Po ashtu, ndalim i trafikut për kamionë dhe autobusë është vendosur nga ora 9:20 në rrugën dega Shipkovicë –Kodra e Diellit, dhe nga ora 5:45 për automjetet e rënda në rrugën dega Mavrovë–Dibër.

Sipas NP “Rrugët e Maqedonisë” njoftojnë se reshje bore ka në Krushevë, Kodër të Diellit dhe Mavrovë, si dhe në kalimet malore Strazhë, Presekë, Bukovë dhe Gjavatë.