“Hiqe flamurin shqiptar nëse doni të nis loja Shkëndija H – Prespa” reagon ashpër Furkan Saliu ndaj FFM-së

Furkan Saliu

Dy incidente të rënda në ngjarje sportive që dëshmojnë qartë se FFM është në shërbim të politikës.
– Në ndeshjen Bashkimi – Vardar, përveç gjuhës së urrejtjes në tribuna, që ishte element i mjaftueshëm për ta suspenduar lojën, u përdorën edhe njësitë speciale kundër kryesisë dhe delegatit të Bashkimit. Një gjë e tillë, në një ngjarje sportive, është e patolerueshme.
Ndeshja, natyrisht, nuk u suspendua dhe dënim e dimë që nuk do të ketë.
– Në ndeshjen Shkëndija e Haraçinës – Prespa, delegati refuzonte ta nisë ndeshjen para se të largohej flamuri shqiptar. Thoshte se flamuri nuk i pengon, por ka urdhër nga Federata. Edhe pse ekziston ligj që e përcakton përdorimin e flamujve.
Sonte këto gjëra do t’i shihni me video.
Nga njerëz të futbollit si Masar Omeragiq dhe Goran Pandev, këtë sjellje dhe këtë nënshtrim asnjëherë nuk e prisja.
Klubet shqiptare duhet të nisin të mendojnë për opsione të tjera, sepse është e qartë se po luajnë në një “ligë të VMRO-DPMNE-së”, e jo në një ligë futbolli.