Ademi: Skandal në Strugë! Skandale në mbarë Maqedoninë e Veriut

Një ndërmarrje publike në Komunën e Strugës i ka kërkuar një këshilltareje komunale që kërkesën e saj ta dorëzojë në gjuhën maqedonase, me arsyetimin “që ta kuptojnë saktë dhe drejt”, ndonëse ligji garanton përdorimin zyrtar të gjuhës shqipe.

Rastin e ka bërë publik Sekretari i Përgjithshëm i Bashkimi Demokratik për Integrim (BDI), Arbër Ademi, i cili ka reaguar ashpër ndaj këtij veprimi.

“Skandal në Strugë! Skandale në mbarë Maqedoninë e Veriut. Edhe pse ekziston ligji që qartë garanton përdorimin e gjuhës shqipe, një ndërmarrje publike në Komunën e Strugës i kërkon një këshilltareje që kërkesën ta dorëzojë në maqedonisht, me arsyetimin ‘që ta kuptojnë saktë dhe drejt’. Shqipja nuk është përkthim, është gjuhë zyrtare. P.S. Nuk mu besua kur e lexova shkresën e mëposhtme!”, ka shkruar Ademi.

Sipas legjislacionit në fuqi në Maqedonia e Veriut, gjuha shqipe është gjuhë zyrtare në komunat ku shqiptarët përbëjnë mbi 20 për qind të popullsisë, përfshirë edhe Strugën.

Deri në momentin e publikimit të këtij lajmi, nuk ka pasur reagim zyrtar nga ndërmarrja publike në fjalë apo nga autoritetet komunale lidhur me pretendimet.