Zuli Demiri beson te fitorja më 11 janar në komunën e Vrapçishtit (VIDEO)

Gjatë intervistës me TetovaSot, Zuli Demiri u shpreh optimist për rezultatin e zgjedhjeve lokale të 11 janarit, duke theksuar se qytetarët e Vrapçishtit janë të pavarur dhe të ndërgjegjshëm. Ai shprehu besimin se presionet nga institucionet ose strukturat politike nuk do të ndikojnë në votën e qytetarëve.

“Fushata jonë po zhvillohet në një atmosferë pozitive dhe konstruktive. Banorët e Vrapçishtit kanë kaluar sfida të mëdha dhe e dinë se kush ka punuar për ta dhe kush nuk ka bërë asgjë. Rezultati do të jetë në përputhje me vullnetin e tyre,” tha Demiri.

Ai shtoi se bashkëpunimi me komunitetin, dëgjimi i kërkesave reale dhe transparenca në qeverisje janë shtylla kryesore të programit të tij politik, duke garantuar një ndryshim rrënjësor në mënyrën se si qeveriset Komuna e Vrapçishtit.