Parku Kombëtar “Mali Sharr” arrin marrëveshje me operatorët turistikë

Institucioni Publik Parku Kombëtar “Mali Sharr” njofton se pas një dialogu konstruktiv dhe koordinimi institucional është arritur marrëveshje me operatorin Eskimo Sport, i cili ofron skijim me makina ratrak, dhe me restorantin Arena, i cili ushtron veprimtari gastronomike ekskluzive brenda territorit të parkut.

Eskimo Sport ka shprehur gatishmëri për të respektuar Planin e Menaxhimit, Planin për Lëvizjen e Mjeteve Motorike dhe të gjitha vendimet e tjera të parkut. Për këtë angazhim, Parku Kombëtar i ka ndarë operatorit Mirënjohje, duke e vlerësuar si operatorin e parë të këtij lloji të veprimtarisë turistike në zonë.