Ari vazhdon të thyejë rekorde historike! Investitorët i drejtohen strehës së sigurt

Çmimi i arit në bursën Comex sot ka thyer nivelin historik prej 5.500 dollarësh amerikanë për ons gjatë orëve të tregtimit në Azi. Më pas, çmimi u rrit edhe më tej, duke arritur një kulm mbi 5.580 dollarë amerikanë për ons. Që nga fillimi i vitit, çmimet e kontratave të arit janë rritur rreth 27 për qind në më pak se një muaj.

Analistët përmendin rritjen e blerjeve të arit nga bankat qendrore, paqëndrueshmërinë gjeopolitike dhe kërcënimin e një mbylljeje të qeverisë së SHBA-së si faktorë kryesorë, të cilët po i shtyjnë investitorët drejt arit si një strehë e sigurt dhe po nxisin këtë rritje të fortë të çmimeve.