Isen Shabani: “Jam i gëzuar që do ta kem kundërkandidat, edhe mikun tim” (VIDEO)

Kandidati i AKI-së, Isen Shabani, sonte zyrtarisht dorëzoi kandidaturën e tij për kryetar të Vrapçishtit. I pyetur nga portali TS se si e sheh kandidatin e përfolur, një mik i tij deri sot, dhe nëse ndjehet i tradhëtuar, Shabani deklaroi se nuk e sheh si problem as kandidatin që përflitet se do të garojë si i pavarur me mbështetje nga një subjekt opozitar.

“Ende nuk është zyrtarizuar kandidatura e tij, por mbi të gjitha qytetarët e dinë më së miri. Mua nuk më shqetëson fakti; jam i gëzuar që do ta kem kundërkandidat. Por 11 Janari do të jetë përballja jonë, dhe e pres me shumë dëshirë,” u shpreh Shabani për portalin TS.

Dje portali TS paralajmëroi se Zuli Demiri do të jetë kandidat i pavarur për Vrapçishtin me mbështetje të Ziadin Selës, por deri tani nuk ka informacion zyrtar nga ana e tij.

Ndryshe, në Vrapçisht nuk u arrit censusi, edhe pse Isen Shabani kishte fituar bindshëm ndaj kundërkandidatit të VLEN-it.