Tetovë: 60-vjeçari nga Sellca arrestohet me 68 steka cigare dhe 25 pako duhan të kontrabanduar

Më datë 29.11.2025 në ora 17:30, nga ana e njësisë mobile pranë Ministrisë së Punëve të Brendshme (MPB), në rrugën ,, Iliria” pranë Tregut të Gjelbër në Tetovë, është arrestuar personi N.M. (60) nga fshati Sellcë, pasi tek ai janë gjetur dhe konfiskuar 68 steka cigare të markave të ndryshme dhe 25 pako duhan nga 500 gramë me marka/mbishkrime të ndryshme, të cilat i kishte ngarkuar në një veturë “Golf” me targa të Tetovës. Ai së bashku me automjetin është ndaluar në stacionin policor dhe pas dokumentimit të rastit, kundër tij do të vijojë parashtresë përkatëse sipas neneve 278-b dhe 279 të Kodit Penal të Republikës së Maqedonisë së Veriut.