Sot mbahen zgjedhje në 5 bashki të Shqipërisë

Në Shqipëri sot votohet në bashkitë Vlorë, Tepelenë, Berat, Mat dhe Cërrik, ku këtë të diel po mbahen zgjedhjet e pjesshme vendore për të zgjedhur të parin e qytetit.

473 qendrat e votimit u hapën në orën 07:00 dhe qytetarët do kenë mundësi të shprehin vullnetin e tyre deri në orën 18:00, kur siç përcakton edhe Kodi Zgjedhor mbyllen qendrat e votimit.

Në Vlorë, numri i qytetarëve me të drejtë vote është afro 172 mijë, në Berat mbi 82 mijë, në Cërrik afro 39 mijë, në Mat 29 mijë ndërsa në Tepelenë, 12 mijë. Opozita nuk ka propozuar asnjë emër politik, por do të mbështesë kandidatët e pavarur.