Sektori i shërbimeve , nxitës i rritjes së qëndrueshme ekonomike

Kina është e vendosur të zgjerojë mbështetjen politike për sektorin e saj të shërbimeve, si pjesë e Planit të 15-të Pesëvjeçar (2026–2030) të ardhshëm, duke nënvizuar rolin kyç të sektorit në nxitjen e rritjes së qëndrueshme ekonomike.

Komisioni Kombëtar i Zhvillimit dhe Reformës (NDRC) mbajti të martën një simpozium me ndërmarrjet private, për të kërkuar kontribut mbi përshpejtimin e zhvillimit të industrisë së shërbimeve gjatë hartimit të planit të ri.

Zheng Shanjie, kreu i NDRC, theksoi se sektori i shërbimeve është një shtyllë kyçe e ekonomisë kombëtare të Kinës, si dhe një tregues thelbësor i nivelit të përgjithshëm të zhvillimit të vendit. Ai vuri në dukje se rritja e cilësisë dhe kapacitetit të industrisë së shërbimeve, do të jetë thelbësore për arritjen e qëllimeve afatgjata të modernizimit të Kinës.

Përfaqësuesit nga ndërmarrjet pjesëmarrëse theksuan se sektori i shërbimeve të Kinës ka parë zgjerim të shpejtë vitet e fundit, me tregun që vazhdon të rritet apo modele dhe formate të reja biznesi që shfaqen në të gjitha industritë. Këto zhvillime, thanë ata, kanë hapur mundësi të mëdha për rritje me cilësi të lartë.
Duke parë përpara, udhëheqësit e biznesit shprehën optimizëm në lidhje me perspektivat e sektorit, duke përmendur kërkesën e fortë të tregut dhe përpjekjet e vazhdueshme për të çuar përpara specializimin dhe rafinimin në fushat e tyre përkatëse. Ata shprehën besim në aftësinë e tyre për t’i shërbyer më mirë prodhimit industrial, si dhe për të përmbushur nevojat në zhvillim të konsumatorëve kinezë.

Sipas NDRC, qeveria do të vazhdojë të zbatojë iniciativa që synojnë rritjen, si të shkallës ashtu edhe të cilësisë së industrisë së shërbimeve. Masat politike do të përqendrohen në përmirësimin e mjedisit të biznesit, nxitjen e inovacionit dhe ndërtimin e një ekosistemi më të fuqishëm për ndërmarrjet.