KSHZ numëron 100% të votave/ Ja sa është diferenca në Kërçovë mes Jovanovskit dhe Deharit

Komisioni Shtetëror Zgjedhor ka përfunduar numërimin e 100% të votave në komunën e Kërçovës. Sipas rezultateve përfundimtare, Aleksandar Jovanovski nga koalicioni “Maqedonia Jote” i udhëhequr nga VMRO-DPMNE-ja ka fituar me 52,09% të votave ose 14.228 vota.

Kandidati i Aleancës Kombëtare për Integrim – AKI, Fatmir Dehari, ka marrë 44,70% të votave ose 12.208 vota, njofton TS.

Diferenca mes dy kandidatëve është 2.020 vota, duke bërë që Jovanovski të shpallet fitues i këtij raundi zgjedhor.

Fitorja e Jovanovskit pasqyron mbështetjen e qytetarëve për koalicionin “Maqedonia Jote” dhe konsolidon pozitën e tij në Kërçovë.