Raporti: Përdoruesit e inteligjencës artificiale gjeneruese në Kinë dyfishohen në 515 milionë

Kina kishte 515 milionë përdorues të inteligjencës artificiale gjeneruese (IA) deri në qershor, duke regjistruar një dyfishim brenda gjashtë muajve, thuhet në raportin e publikuar të shtunën nga Qendra e Informacionit të Rrjetit të Internetit të Kinës, në Konferencën e Burimeve të Infrastrukturës së Internetit të Kinës 2025, në Pekin, përcjell “Xinhua”.

Kjo shifër u rrit me 266 milionë nga dhjetori 2024, duke e ngritur shkallën e depërtimit të përdoruesve në 36.5 për qind në Kinë.

Raporti vuri në dukje se modelet e inteligjencës artificiale gjeneruese të prodhuara në Kinë kanë fituar popullaritet të gjerë midis përdoruesve dhe inteligjenca artificiale gjeneruese është aplikuar gjerësisht në fusha të tilla si kërkimi inteligjent, krijimi i përmbajtjes, ndihma në zyrë dhe pajisjet inteligjente.

Dobia e saj po eksplorohet gjithashtu në mënyrë aktive në sektorë si prodhimi bujqësor, prodhimi industrial dhe kërkimi shkencor, thuhet në raport.