Nënpresidenti amerikan kundër aneksimit të Bregut Perëndimor, e quan “manovër politike të marrë” votimin në Knesset

Nënpresidenti i SHBA-së, JD Vance, përjashtoi mundësinë e aneksimit të Bregut Perëndimor nga Izraeli, duke e quajtur votimin në Knesset për aneksimin e territorit të pushtuar “një manovër politike të marrë”, raporton Anadolu.

“Nëse ishte një manovër politike, atëherë ishte manovër shumë e marrë dhe personalisht ndihem i fyer nga ajo. Bregu Perëndimor nuk do të aneksohet nga Izraeli”, u tha Vance gazetarëve në Tel Aviv.

“Politika e administratës Trump është që Bregu Perëndimor nuk do të aneksohet nga Izraeli. Kjo do të vazhdojë të jetë politika jonë”, shtoi ai.