Elektrodistribuimi forcon rrjetin e tensionit të ulët me investime mbi 10 milionë euro

Shkup, 17.10.2025 – Ekipet e Elektrodistribuimit gjatë gjashtë muajve të parë të vitit 2025 realizuan
me sukses më shumë projekte infrastrukturore që synojnë modernizimin dhe përmirësimin e rrjetit të
tensionit të ulët. Fokusi kryesor i këtyre aktiviteteve është zmadhimi i qëndrueshmërisë së sistemit,
ulja e humbjeve dhe implementimi i zgjidhjeve moderne në menaxhimin e rrjetit distributiv.
Në kuadër të projekteve janë instaluar 135 kilometra rrjet i ri i tensionit të ulët, janë zëvendësuar
shtyllat dhe përcjellësit e vjetër, si dhe janë instaluar pajisje të reja matëse në distancë në lokacione të
reja.
Vlera e përgjithshme e investimeve për këtë periudhë arrin 10,4 milionë euro, ndërsa 2 milionë euro
shtesë janë planifikuar deri në fund të vitit 2025. Me këto investime, Elektrodistribuimi është duke
forcuar rrjetin distributiv dhe duke vendosur një bazë edhe më të qëndrueshme për zhvillimin e
mëtejshëm të sistemit energjetik.