Agjenti i Julian Alvarez thyen heshtjen për thashethemet e largimit nga Atletico Madridi
Agjenti i Julian Alvarez, Fernando Hidalgo, ka hedhur poshtë thashethemet se sulmuesi ngurron të pranojë ofertën e rinovimit të kontratës nga Atletico Madrid, me Barcelonën që është e interesuar ta nënshkruajë atë.
Thuhet se Barcelona e ka identifikuar lojtarin argjentinas si zëvendësuesin kryesor për Robert Lewandowskin, kontrata e të cilit skadon verën e ardhshme.
Megjithatë, një largim i tij drejt Camp Nou nuk është diskutuar, pasi sipas agjentit gjithçka është një thashetheme.
“Asgjë që po shkruhet nuk është e vërtetë. Ato janë vetëm hipoteza imagjinative për momentin”, ka thënë agjenti i sulmuesit argjentinas.
Alvarez ka shënuar shtatë gola dhe ka dhënë tre asistime këtë sezon pavarësisht formës së paqëndrueshme të Atleticos.
Çmimi i tij i vlerësuar në Transfermarkt është 100 milionë euro.