Llalla: Bilall Kasami do të humb zgjedhjet, shiti pronat e Tetovës dhe do ta shes ujin e pijshëm! (VIDEO)

Zgjedhjet lokale që po afrojnë në Maqedoninë e Veriut po shoqërohen me një rritje të retorikës etnike dhe polarizimeve politike. Sipas analistit politik Arben Llalla, në vend që partitë politike të fokusohen në çështje konkrete si infrastruktura, uji i pijshëm, kanalizimet dhe gjelbrimi urban, partitë maqedonase dhe bashkëpunëtorët e tyre shqiptarë  siç e cilëson ai, koalicioni VLEN janë të përqendruar në tentativën për të eliminuar politikisht Ali Ahmetin dhe BDI-në nga skena politike shqiptare.

“Retorika nacionaliste e VMRO-së dhe VLEN-it nuk do të ketë efekt. Shqiptarët janë duke u mobilizuar për të përkrahur unitetin politik, përmes AKI-së, duke dënuar kështu edhe lojërat politike të VMRO-së edhe servilizmin e VLEN-it,” tha Llalla.

Analisti paralajmëron se komuna e Kërçovës është në rrezik të rikthehet nën kontroll maqedonas për shkak të përçarjes së spektrit politik shqiptar dhe mobilizimit të madh të kampit maqedonas. Pas 12 vitesh qeverisje shqiptare, Kërçova mund të humbet. Shqiptarët duhet të lënë anash ndasitë dhe të bashkohen.

Në lidhje me komunën e Tetovës, Arben Llalla është edhe më kritik, duke akuzuar Bilall Kasamin se ka ardhur në pushtet me ndihmën e votave maqedonase dhe se, sipas tij, ka shpërblyer këtë mbështetje me poste dhe punësime.

“Kasami ka dështuar në premtimet e tij. S’ka bërë parkingje, ka rritur çmimin e mbeturinave pasi ka privatizuar kompaninë e pastrimit, dhe ka rritur taksat e pronave,” u shpreh Llalla.

Ai gjithashtu paralajmëroi një tjetër skandal: “Kasami po përgatitet të shesë edhe ujin e pijshëm të qytetit,