Kosova, Shqipëria dhe Turqia bashkë në trajnim të avancuar për kërkim dhe shpëtim urban
Forca e Sigurisë së Kosovës ka njoftuar se në kuadër të bashkëpunimit bilateral me Republikën e Shqipërisë dhe Republikën e Turqisë, në Qendrën Ndërkombëtare Trajnuese për Kërkim-Shpëtim të Gardës Kombëtare është duke u zhvilluar trajnimi “Kërkim-Shpëtim Urban i Avancuar”, me pjesëmarrjen e trupave nga Forcat e Armatosura të Republikës së Shqipërisë, Forcat e Armatosura të Republikës së Turqisë dhe FSK-së.
Në këtë trajnim shtjellohen tema që kanë të bëjnë me përgatitjen dhe aftësimin e kursantëve për reagim në katastrofa natyrore dhe njerëzore, si: planifikim, zhvillimin e detyrave individuale si kërkues-shpëtues në një katastrofë urbane, puna ekipore në operacione të shpëtimit përdorimi i pajisjeve adekuate, aplikimi i pajandrimeve, dhënia e ndihmës se parë në katastrofa urbane etj.
“Ky trajnim është vazhdimësi e bashkëpunimeve të rëndësishme drejt rritjes së kapaciteteve për reagim në situata emergjente urbane dhe forcon ndërveprimin ndërmjet tri vendeve. Shqipëri, Turqi, Kosovë”, thuhet mes tjerash në komunikatë.
FSK trajnime