Tragjedi në Prishtinë: E reja humb jetën në një poligon qitje, pronari arrestohet

Një ngjarje tragjike ka ndodhur mbrëmë në Prishtinë, ku një e re ka humbur jetën pas një plagosjeje me armë zjarri në një poligon qitjeje.
Burimet e Sinjalit bëjnë me dije se rreth orës 19:20 është raportuar se një femër është plagosur në poligonin “Fazani-S”, në rrugën “Dritan Hoxha”. Viktima, dyshohet se është vetëplagosur me armë në pjesën abdominale.
Ajo është dërguar me urgjencë në QKUK, por përkundër përpjekjeve të mjekëve, rreth orës 22:00 ka ndërruar jetë. Në vendngjarje kanë dalë njësitë hetimore dhe forenzika, si dhe mjekësia ligjore, ndërsa prokurori i krimeve të rënda ka udhëzuar që rasti të iniciohet si “Vetëvrasje”.

Mirëpo, pas veprimeve hetimore të mëtejshme të njësisë së hetimeve të Prishtinës, është marrë në pyetje në cilësinë e të dyshuarit pronari i poligonit:.
Me aktvendim të prokurorit, ndaj tij është caktuar masa e ndalimit prej 48 orësh për veprën penale “Shkaktim i rrezikut të përgjithshëm me pasojë vdekje”.