Shkëndija e pafat, humbje minimale nga Qarabag

KF Shkëndija pëson humbje minimale në ndeshjen e parë të raundit të tretë kualifikues në Conference League kundër skuadrës Qarabag.

Shkëndija nuk arriti të shfrytëzojë përparësinë e fushës vendase. Ndeshja përfundoi me rezultat 0-1 në të mirë të Qarabag.

Goli i vetëm i takimit u realizua në minutën e 18-të nga Bayramov, i cili ishte i saktë nga pika e bardhë e penalltisë, pas një ndërhyrjeje që gjyqtari e vlerësoi si të palejuar brenda zonës.

Pavarësisht disa rasteve në pjesën e dytë, Shkëndija nuk arriti të barazojë rezultatin, ndërsa Qarabag kontrolloi ritmin dhe e mbrojti avantazhin deri në fund.

Ndeshja e kthimit do të luhet pas një jave në Azerbajxhan, ku Shkëndija do të ketë përballë një sfidë të vështirë për të kaluar më tej.