“Dita D” për Crystal Palace: Më 11 gusht, klubi anglez do të zbulojë se në cilin garë evropiane do të debutojë

Këtë sezon, skuadra angleze Crystal Palace do të luajë në garat evropiane për herë të parë në historinë e saj 164-vjeçare, por për shkak të një mosmarrëveshjeje me UEFA-n, ende nuk e di nëse do të jetë në Ligën e Evropës apo në Ligën e Konferencës.

Duke fituar Kupën FA, Crystal Palace u kualifikua për në Ligën e Evropës për herë të parë në historinë e saj.

Por, duke pasur parasysh që pronari i Palace, John Textor, tashmë ka një klub në këtë garë, dhe ai është Lyoni, sipas rregullave të UEFA-s, klubi që është i pozicionuar më mirë në tabelë mbetet në garë.

Lyoni përfundoi i gjashti në Ligue 1, ndërsa Crystal Palace i 12-ti në Ligën Premier, që do të thotë se klubi francez do të luajë në Ligën e Evropës dhe klubi anglez në Ligën e Konferencës.

A closed-door hearing in the case of Crystal Palacevs. UEFA, Nottingham Forest and Lyon will be held on Aug. 8, the Court of Arbitration for Sport (CAS) confirmed on Wednesday. Palace were demoted to the Conference League by UEFA in a multi-club ownership case.

-ESPN pic.twitter.com/YbC1DDQlOw

— Professional Foul (@Pro_Foul) July 31, 2025

Vendi i Palace në Ligën e Evropës iu dha Nottingham Forest, i cili e përfundoi sezonin në vendin e shtatë në Ligën Premier.

Crystal Palace apeloi në Gjykatën Ndërkombëtare të Arbitrazhit Sportiv (CAS) pasi Textor dha dorëheqjen nga vendi i tij në Bordin e Drejtorëve të Lyon pas vendimit të UEFA-s dhe Michele Kang u emërua kryetare.

CAS ka njoftuar gjithashtu se kur do të marrë vendimin përfundimtar. Seanca dëgjimore ku avokatët e Palace dhe UEFA-s do të paraqesin provat e tyre është planifikuar për 8 gusht, dhe vendimi do të jepet më 11 gusht.