Bajram Rexhepi: Rruga “Boris Kidriç” është shembull tipik i keqmenaxhimit në Tetovë

“Tetova sot është qytet jofunksional: pa planifikim hapësinor, pa gjelbërim të mirëmbajtur, pa hapësira publike dhe pa vendparkime. Edhe ato pak hapësira që i takonin qytetit, u shitën dhe u tjetërsuan në procedura korruptive.
Në zemër të qytetit mbretëron kaos i organizuar, ku gjithçka i shërben interesave të grupeve, jo qytetarit. Uji faturohet pa matës, tatimet janë shumëfishuar, por shërbimet ndaj qytetarëve mungojnë.
Rruga “Boris Kidriç” është shembull tipik i keqmenaxhimit me qytetin. Dikur një ndër pak rrugët me shirita të gjelbër, sot e shndërruar në përbindësh betoni e asfalti, pa dokumentacion dhe pa siguri.
Ne jemi këtu për të dëgjuar dhe për të vepruar #Bashkë me qytetarët, me një program të qartë #PërTetovënERe” ka shkruar Bajram Rexhepi kandidati i AKI-së për Tetovën.