Asllan Koka kërkon transparencë nga Bilall Kasami për 873 mijë eurot në bilancin e Komunës së Tetovës

Kontabilisti i njohur nga Tetova, Asllan Koka, ka ngritur publikisht një pyetje drejtuar kryetarit të Komunës së Tetovës, Bilall Kasami, lidhur me një shumë të konsiderueshme të regjistruar në bilancin komunal informon Tetovasot.

Sipas Kokës, në bilancin e Komunës figuron shuma 53.716.000 denarë (rreth 873 mijë euro), e shënuar tek zëri 742 – Donacione nga shtetet e huaja.

“Z. Kasami thotë se këto mjete kanë ardhur nga një biznes privat, pronari i të cilit është serb. Por nëse është kështu, atëherë nga cili shtet i huaj janë regjistruar këto para në bilanc?”, pyet Koka.

Ai thekson se qytetarët e Tetovës meritojnë transparencë të plotë mbi burimin e fondeve, duke paralajmëruar se “lojërat me fjalë nuk mund të fshehin shuma të tilla milionëshe”.Tetovasot