As shorti nuk e zhbllokoi Kuvendin, s’ka nënkryetar të pestë (VIDEO)
12:17 – Konsumohen të gjitha opsionet, kryetari dhe 4 nënkryetarët mblidhen të hënën
Meqenëse nënkryetari i pestë nga komuniteti serb nuk u zgjodh, kryetari i Kuvendit, Dimal Basha ka bërë të ditur se janë konsumuar të gjitha opsionet.
Ai bëri të ditur se të hënën, ai bashkë me nënkryetarët tashmë të zgjedhur, Albulena Haxhiun, Vlora Çitakun dhe Kujtim Shalën, do të mbajnë takim rreth kësaj situate.
“Kemi ezauruar edhe pikën e katërt të rendit të ditës, dhe konsideroj që kjo seancë konstituive konsiderohet e përmbyllur”, tha Basha.
S’ka zhbllokim të Kuvendit, nuk zgjidhet nënkryetari i pestë
As Igor Simiq nga Lista Serbe nuk mori votat e mjaftueshme për t’u zgjedhur nënkryetari i pestë i Kuvendit nga komuniteti serb.
Pas hedhjes për votim tri herë, edhe Simiq u eliminua nga propozimi për t’u zgjedhur nënkryetar, transmeton Klankosova.tv.
12:17 – Konsumohen të gjitha opsionet, kryetari dhe 4 nënkryetarët mblidhen të hënën
“Kemi ezauruar edhe pikën e katërt të rendit të ditës, dhe konsideroj që kjo seancë konstituive konsiderohet e përmbyllur”, tha kryekuvendari Dimal Basha.
12:05 – Duda Balje largohet nga seanca konstituive
Deputetja e Kuvendit të Kosovës, Duda Balje është larguar nga salla e Kuvendit.
Nuk është hera e parë që Balje lëshon seancën konstituive, transmeton Klankosova.tv.
12:04 – Shorti “nuk e kalon” Miljana Nikoliqin për nënkryetare
Ka dështuar të zgjidhet nënkryetare e Kuvendit të Kosovës deputetja Miljana Nikoliq nga radhët e komunitetit serb.
Ajo nuk mori asnjë votë për këtë pozitë parlamentare, ndëra 52 deputetë votuan kundër dhe 24 abstenuan, njofton Klankosova.tv
11:58 – Seanca nis me 1 minutë heshtje për Ilmi Ramadanin, kujtohen edhe personat e pagjetur
Vazhdimi i seancës konstituive e Kuvendit të Kosovës, këtë të shtunë nisi me 1 minutë heshtje për ushtarin e UÇK-së, Ilmi Ramadanin.
Po ashtu, pas 1 minutë heshtje, kryetari i kuvendit, Dimal Basha përkujtoi edhe personat e pagjetur, të cilët u zhdukën me forcë nga forcat serbe në luftën e fundit në Kosovë. /klankosova.tv.
11:54 – Nis seanca pas rreth një ore vonesë, a do të konstituohet Parlamenti?
Ka nisur edhe seanca e radhës për konstituim të Kuvendit të Kosovës, pas rreth një ore vonesë.
Ani pse kryetari dhe katër nënkryetarët e Parlamentit janë zgjedhur, ngërçi nuk po kalon në këtë institucion, transmeton Klankosova.tv.
Kjo pasi nënkryetari i pestë nga komuniteti serb, që dy seanca nuk merr votat e mjaftueshme.
Ndryshe sot të drejtë nominimi për këtë post kanë Igor Simiq e Miljana Nikoliq nga Lista Serbe, dhe Nenad Rashiq nga Partia e Pavarur Liberale.
11:25 – Hasani për zgjedhjen e nënkryetarit nga komuniteti serb: Shkelje e Kushtetutës
Deputeti i betuar i PDK-së, Nait Hasani, tha se është shkelje e Kushtetutës ajo që po ndodh në Kuvend me zgjedhjen e nënkryetarit serb.
Hasani iu referua ndarjes së votimit të nënkryetarëve të minoriteve dhe procedurës me short që e inicioi kryetari i Kuvendit, Dimal Basha, shkrua IndeksOnline, transmeton Klankosova.tv.
“Mendojmë që është një shkelje e Kushtetutës dhe presim që të shkojë në Gjykatë Kushtetuese dhe të vërtetojnë se është një shkelje. Prandaj, kërkojmë që të mos e shkelin Kushtetutën”.
Hasani tha se partinë e tij s’e frikësojnë zgjedhjet, por se fillimisht duhet të krijohen institucionet që të merret një vendim i tillë.
11:20 – Gashi e quan gabim teknik votimin e Emilia Rexhepit, menduan se po e votojnë në pako
Deputeti i LDK-së, Arben Gashi, ka thënë se votimi i Emilia Rexhepit për nënkryetare të Kuvendit ka qenë gabim teknik pasi kanë menduar se po e votojnë në pako, dhe jo veçmas.
“Ai ishte një veprim që nuk ka qenë i parashikuar, dhe sipas asaj që kuptova, thjesht ka qenë një gabim teknik, sepse nuk ka dashur të marrë pjesë. Por, pasi nuk e ka pritur që po ndodh diçka e tillë, për mendimin tim, ishte një gabim teknik”, ka thënë Gashi, njofton Klankosova.tv
11:11 – Balje: S’besoj që do të vazhdojmë tutje pa një përgjigje të Kushtetueses
Deputetja e Kuvendit të Kosovës, Duda Balje ka thënë se nuk e beson që do të vazhdohet tutje pa një përgjigje nga Gjykata Kushtetuese.
Sipas saj, ende nuk është e sigurt nëse hedhja e shortit për të zgjedhur nënkryetarin e pestë nga komuniteti serb, është kushtetues, apo anti-kushtetues, transmeton Klankosova.tv.
Sa i përket vendimit të shefave të Misioneve të BE-së për të mos i shkuar kryeministrit në detyrë, Albin Kurtit më në zyrë, Balje thotë se ata kanë pasur bazë dhe do bëhet ashtu siç e vlerësojnë ata.
11:07 – Krasniqi për qortimin e BE-së ndaj Kurtit: E dhimbshme çfarë niveli e kanë sjellë Kosovën
Kryetari i PDK-së, Memli Krasniqi foli rreth qortimit që Bashkimi Evropian ia ka bërë të enjten kryeministrit në detyrë, Albin Kurtit.
Pak para nisjes së seancës konstituive, Krasniqi tha se është e dhimbshme se në çfarë niveli është sjellë Kosova.
“Është vazhdim i degradimit të raportove që dikur Kosova ka pasur me aletatët e saj”, tha Krasniqi, transmeton Klankosova.tv.
11:06 – Gashi: VV-ja e ka plan bllokimin institucional, cili është përfitimi nuk e di
Deputeti i LDK-së, Arben Gashi, ka thënë që bllokimi institucional është plan i Lëvizjes Vetëvendosje.
“Kanë qenë pikërisht deputetët e Vetëvendosjes që kanë insistuar që udhëzimet të kenë fuqi detyruese, dhe tani po e përdorin këtë instrument kundër interesave të Kosovës, instrument që nuk është dashur të ekzistojë në këtë formë”, ka deklaruar Gashi.
“Rregullimi i tepërt është problem. Koncepti im ka qenë që nuk duhet të rregullohen çështje që janë në thelb politike. Çështjet politike duhet të zgjidhen përmes kompromisit politik, sepse rregullimi i tepërt çon në bllokim institucional”.
“Dhe tani jemi në një bllokim institucional, si rezultat i veprimeve të paarsyeshme dhe si rezultat i Lëvizjes Vetëvendosje për të bllokuar Kuvendin”.
“Pra, shihet qartë se ekziston një plan për të bllokuar institucionet në Kosovë. Cili është përfitimi i saj, nuk e di”.
11:03 – Krasniqi për Kurtin: S’e kuptoj insistimin e tij për të zgjedhur Rashiqin nënkryetar
Kryetari i PDK-së, Memli Krasniqi thotë se nuk e kupton insistimin e kryeministrit në detyrë, Albin Kurtit, për të zgjedhur Nenad Rashiqin nënkryetar të Kuvendit nga komuniteti serb.
“prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën “, thotë ai.
“Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë”, thotë ai, raporton Klankosova.tv.
“Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.
10:54 – Nënkryetari nga komuniteti serb, Krasniqi: Sot është radha e Rashiqit
Ministri në detyrë i Administrimit të Pushtetit Lokal, Elbert Krasniqi, pak para nisjes së seancës, tha se sot është radha e Nenad Rashiqit nga Partia e Pavarur Liberale të zgjidhet nënkryetar i Kuvendit nga komuniteti serb
Ai thotë se e ka lexuar Kushtetutën e Kosovës, dhe aty shkruhet se dy nënkryetarëve të Kuvendit, u takon të jenë nga komunitetet, transmeton Klankosova.tv.
“E kam lexuar Kushtetutën, aty shkruan se dy nënkryetarë nga komunitetet, një nga komuniteti serb, dhe tjetri nga komuniteti jo serb, kjo është e rëndësishme. Emiljan e kemi zgjedhur nga komuniteti i komuniteteve jo serbe, sot është radha e Nenadit”, tha ai.
10:54 – Zemaj para seancës: Nuk kemi interpretim tjetër pavarësisht gjuhës së VV-së
Deputeti i Lidhjes Demokratike të Kosovës, Armend Zemaj, ka folur para vazhdimit të seancës konstituive të Kuvendit të Kosovës.
“Ne thërrasim gjithmonë që të respektohet ligjshmëria, edhe pjesa e obligimeve që janë kushtetuese, por edhe të respektohet rreugllorja e punës së Kuvendiut. Nuk kemi asnjë interpetim tjetër pavarësisht gjuhës të cilën e përdor Lëvizja Vetëvendosje, më shumë për të linçuar kundërshtarët politikë, atë që i ka metë si element i punës, ose i populizmit të saj, Lista Serbe dhe gjithçka çka lidhet me veprimet e saj”, ka thënë Zemaj, njofton Klankosova.tv.
“Nuk është vetëm masë por pasojë e madhe për Republikën e Kosovës, pesë vjet nën sanksione ekonomike, tash edhe ky ndëshkim ta quaj i Bashkimit Evropian ndaj Kosovës, fatkeqësisht ndaj z. Kurti dhe qeverisë të cilët dëshirojnë ta quajnë veten në detyrë ekzekutive”.
“LDK-ja, zëri ynë, edhe në Kuvend, por edhe si subjekt politik, kemi thënë qysh në verifikimin e mandateve që nu kështë e mundshme mbajtja e dy pozitave”.
10:44 – Kadrijaj nuk beson se do të votohet sot nënkryetari i pestë i Kuvendit
Deputetja e AAK-së, Time Kadrijaj, para fillimit të seancës konstituive të Kuvendit të Kosovës, është pyetur nëse pritet të votohet sot nënkryetari i Kuvendit nga radhët e komunitetit serb.
“Nuk po besoj”, ka thënë shkurt Kadrijaj, raporton EO, transmeton Klankosova.tv
10:42 – Qalaj: S’e votoj Rashiqin, e as Nenada tjerë
Deputeti i betuar i PDK-së, Rashit Qalaj ka thënë se nuk voton Nenad Rashiqin për nënkryetar të Kuvendit, por as kandidatë të tjerë nga komuniteti serb.
Sipas Qalaj, ai nuk hedh votën e tij “për”, për shkak se nuk do të jetë pjesë e shkeljeve kushtetuese, transmeton Klankosova.tv.
“Nuk e votoj as Nenad Rashiq e as Nenada të tjerë, për shkak se nuk dua të jem pjesë e shkeljeve Kushtetuese”, tha ai.
Ndër të tjera ai pyet VV-në se si njerëz që kanë kryer akte kriminale ndaj Kosovës, mund të jenë pjesë e Kuvendit.
10:36 – Haxhiu: Sot mund të jetë seanca e fundit
Nënkryetarja e Kuvendit të Kosovës, Albulena Haxhiu pak para nisjes së seancës, ka thënë se kjo mbledhje mund të jetë e fundit.
Kjo pasi sipas saj, nëse dështon shorti për të zgjedhur nënkryetarin e pestë nga komuniteti serb, atëherë nuk ka arsye për t’u mbledhur pas 48 orëve, transmeton Klankosova.tv.
Ndër të tjera, Haxhiu fajin për moskonstituim të Parlamentit, ia vuri ish-opozitës.