VIDEO: Një traget përfshihet nga flakët pranë brigjeve indoneziane, pasagjerët hidhen në det

Trageti i pasagjerëve KM Barcelona VA, që lundronte nga Ishujt Talaud për në Manado, u përfshi nga flakët në brigjet e Sulawesi-t të Veriut, raportoi gazeta britanike The Sun , duke cituar shërbimin e kërkim-shpëtimit të Manados.

Në bord ndodheshin 280 pasagjerë dhe për shkak të zjarrit, njerëzit u detyruan të hidheshin në det për t’i shpëtuar flakëve.

Sipas autoriteteve lokale, katër vdekje u konfirmuan deri në orën 16:00 sipas orës lokale, por numri i viktimave mund të jetë më i lartë. Operacioni i shpëtimit është ende duke vazhduar: rreth 150 persona u nxorën nga deti nga shërbimet e emergjencës dhe peshkatarët vendas. Pasagjerët e mbetur rezultojnë të zhdukur.

Anijet KM Barcelona III, KM Venecian dhe KM Cantika Lestari 9F u dërguan në vendin e aksidentit dhe shkaku i zjarrit nuk është përcaktuar ende. Tragetet në Indonezi shpesh kanë probleme për shkak të pajisjeve të vjetruara dhe kontrolleve të dobëta të sigurisë.

#BREAKING
Passengers jump overboard as massive fire engulfs ferry in Indonesia

Terrifying scenes from Indonesia after a fire broke out on the KM Barcelona VA passenger ship near Talise Island, North Sulawesi

Over 280 people onboard, panic-stricken passengers some with children… pic.twitter.com/wwKOHlAz6z

— Nabila Jamal (@nabilajamal_) July 20, 2025