Kyle Walker kompleton transferimin te Burnley

Burnley ka përfunduar nënshkrimin e mbrojtësit të djathtë me përvojë, Kyle Walker, i cili ka nënshkruar me një kontratë dyvjeçare.

35-vjeçari i është bashkuar ‘Clarets’ pasi u largua nga Manchester City, ku fitoi 17 trofe, përfshirë tripletën në vitin 2023.

Walker do të punojë me trajnerin kryesor Scott Parker, me të cilin ka luajtur më parë te Tottenham Hotspur.

Ylli anglez, i cili bëri 319 paraqitje për Cityn, së fundmi ishte i huazuar te Milani në Serie A.

“Klubi i Futbollit Burnley është i kënaqur të konfirmojë nënshkrimin e lojtarit të kombëtares angleze Kyle Walker”.

“Walker, 35 vjeç, ka nënshkruar një kontratë dyvjeçare me Turf Moor dhe do të ribashkohet me ish-shokun e tij të skuadrës te Spurs dhe Anglia, trajnerin e Clarets, Scott Parker, përpara sezonit 2025/26 të Ligës Premier”, thuhet në njoftim.