Izmaku paralajmëron marrëveshje mes VV’së dhe Nismës në fundjavë: Limaj në krye të Kuvendit

Deputetja e Nismës Socialdemokrate, Xhevahire Izmaku, ka paralajmëruar se gjatë fundjavës mund të arrihet marrëveshja me Vetëvendosjen, shkruan Reporteri.net.

Izmaku ka thënë se marrëveshje mund të arrihet, me kushtin që kreu i Nismës, Fatmir Limaj, të jetë Kryetar i Kuvendit.

“Presim që në fundjavë të ketë një epilog pozitiv, të shpresojmë që kjo marrëveshje, këto bisedime që kanë shku me muaj të tërë të prodhojnë një rezultat pozitiv dhe Kosova të ketë institucione”, tha Izmaku.

Ajo zbuloi se kafja e paralajmëruar nga Limaj me Kurtin, nuk është pirë ende.

“Ende jo, pritet që kafja ose dreka deri në fundjavë”, tha ajo.

“Jo, ne jemi në atë diagonal të bisedimeve që z.Limaj të jetë në krye Kuvendi”, deklaroi ajo./Reporteri.net