Dy gjigantët evropianë në garë për Dumfries – klauzola e ultë skadon më 15 korrik

Gara për të nënshkruar me Denzel Dumfries po hyn në fazën e saj vendimtare, me Barcelonën dhe Manchester Cityn si dy pretendentët kryesorë për mbrojtësin e djathtë të Interit.

Sipas La Gazzetta dello Sport, klauzola e lirimit prej 25 milionë eurosh, e vendosur në kontratën e rinovuar me Interin në nëntor, është e vlefshme vetëm për transferime jashtë Italisë dhe skadon më 15 korrik.

Sezoni i fundit ishte më i miri në karrierën e Dumfries, me 11 gola të shënuar, çka e ka rritur ndjeshëm profilin e tij në Evropë. Megjithatë, Interi nuk mund të ndërhyjë nëse ndonjë klub aktivizon klauzolën deri në datën e caktuar dhe është i detyruar të presë zhvillimet.

Barcelona mbetet e interesuar për lojtarin e kombëtares holandeze, veçanërisht pas dështimit për të transferuar Nico Williams. Megjithatë, katalanasit kanë rezerva për moshën e tij dhe eksperiencën në një mbrojtje me tre, ndërsa përparësi aktualisht po i jepet regjistrimit të portierit Joan Garcia.

Manchester City, nga ana tjetër, përbën kërcënimin më të madh për Barcelonën. Pep Guardiola kërkon të shtojë më shumë fleksibilitet në repartin difensiv dhe sheh te Dumfries një përforcim të menjëhershëm për krahun e djathtë.

Në rast largimi të holandezit, Interi mund të orientohet drejt brazilianit Luis Henrique si zëvendësues i mundshëm, megjithëse ky opsion nuk garanton të njëjtin nivel ndikimi.