Sot intervistohet kryetari i Listës Serbe për barrikadat e 2022-ës

Intervistimi i kryetarit të Listës Serbe, Zlatan Elek, nga ana e Prokurorisë Speciale, do të mbahet sot nga ora 13:30.

Kryetari i Listës Serbe është ftuar për intervistim në kuadër të hetimeve që Prokuroria Speciale po i zhvillon në rastin e vendosjes së barrikadave në veri të vendit në vitin 2022.

Elek, sipas Prokurorisë Speciale, po hetohet për veprat penale “pengim i personit zyrtar në kryerjen e detyrave zyrtare”, “thirrje për rezistencë” dhe “bashkimi për veprimtari kundërkushtetuese”.

Detaje tjera nuk u dhanë.