Prokuroria: Ka urdhër-arrest ndërkombëtar për të akuzuarit për masakrën në Mejë

Seanca fillestare për rastin e masakrës në Mejë dhe në fshatrat tjerë në rajonin e Gjakovës u mbajt të hënën, më 16 qershor, në Gjykatën Themelore në Prishtinë.

Gjykimi për këtë rast zhvillohet në mungesë dhe të akuzuarit përfaqësohen nga avokatët e tyre.

Gjyqtarja Violeta Namani-Hajra tha se gjykata nuk ka asnjë informacion për vendndodhjen e të akuzuarve, ndërsa prokurori Ilir Morina tha se është lëshuar urdhër arrestimi ndërkombëtar për ta.

Pas përfundimit të seancës fillestare, mbrojtja e të akuzuarve i ka kohë 30 ditë kohë që të ankohet mbi pretendimet e prokurorisë.