Pasojat e sulmeve të Iranit, 3 të vdekur dhe mbi 80 të plagosur në Izrael

Dielli ka lindur në Izrael dhe mediat ndërkombëtare kanë publikuar imazhe të pasojave të sulmeve hakmarrëse të Iranit gjatë natës.

Këto foto u bënë këtë mëngjes në Rishon LeZion, një qytet i vendosur në fushën bregdetare qendrore, në jug të Tel Avivit.

Të paktën 3 persona kanë humbur jetën pas sulmeve hakmarrëse të Iranit ndaj Izraelit.

Një grua rreth të 60-ave u gjet pa ndjenja dhe pa shenja jetësore, ndërsa një burrë rreth të 45-ave u shpall i vdekur pasi u evakuua, thotë MDA.

21 persona u plagosën në rajonin e Rrafshnaltës Bregdetare të Izraelit, sipas shërbimit izraelit të emergjencës Magen David Adom (MDA) ndërsa në total numri i të plagosurve ka shkuar në mbi 80.

Lideri i partisë opozitare në Izrael ka shprehur ngushëllime për vdekjen e tre qytetarëve izraelitë.

“Ishte një natë e vështirë për Shtetin e Izraelit”, shkruan Yair Lapid, ndërsa u bën thirrje njerëzve të ndjekin udhëzimet nga Komanda e Frontit të Brendshëm.

“Ne jemi një popull i fortë me një ushtri të fortë.”