Izraeli godet aeroportin në Iran nga 2300 kilometra distancë, ja cili ishte objektivi

Ushtria izraelite ka ndërmarrë një sulm ajror ndaj aeroportit të Mashhadit, qyteti i tretë më i madh në Iran, i vendosur në verilindje të vendit.

Sulmi ndodhi në një distancë prej rreth 2.300 kilometrash nga Izraeli, duke u cilësuar si sulmi më i largët i kryer nga Tel Avivi që nga fillimi i operacioneve të tij në rajon.

Lajmi u bë i ditur nga Forcat e Mbrojtjes së Izraelit (IDF) rreth orës 18:30 me orën e Greqisë, të cilat thanë se objektivi ishte një avion iranian furnizimi i pozicionuar në aeroportin e Mashhadit.

Nuk raportohet për dëme të mëdha

Sipas mediave shtetërore iraniane, nga sulmi nuk ka pasur dëme në ndërtesat e aeroportit dhe as në pistën e uljes dhe ngritjes së avionëve.

Megjithatë, disa burime të tjera mediatike brenda Iranit raportojnë për një sulm ajror në lindje të qytetit Mashhad, pa dhënë më shumë detaje mbi pasojat.

Ushtria izraelite ka deklaruar se ky operacion është pjesë e një strategjie më të gjerë për të kontrolluar hapësirën ajrore iraniane.

“Forcat Ajrore po punojnë për të arritur epërsi ajrore në të gjithë Iranin,” thuhet në deklaratën zyrtare të IDF.