Irani nuk mund të ketë armë bërthamore, thotë kancelari gjerman

Friedrich Merz, kancelar gjerman, thotë se është “thelbësore” që Irani “nuk duhet të zhvillojë ose të zotërojë armë bërthamore”, ka raportuar BBC, transmeton Gazeta Express.

Duke folur me gazetarët para se të nisej për në një samit të G7 në Kanada, Merz thotë se “përparimi i Iranit drejt armëve bërthamore çoi në sulmin e Izraelit ndaj objektivave ushtarake në Iran të premten”.

“Ky do të ishte një kërcënim për Izraelin, Lindjen e Mesme dhe bashkësinë ndërkombëtare në tërësi”, thotë ai.

Irani ka mohuar se ka një program armësh bërthamore.

Merz shton se Izraeli i ka kërkuar Gjermanisë të sigurojë “pajisje për shuarjen e zjarrit”.

“Ne do ta fillojmë këtë menjëherë”, thotë ai.