Disa pjesë të Shkupit pa energji elektrike

Për shkak të një defekti në rrjetin elektrodistributiv pjesa qendrore e qytetit të Shkupit ka mbetur pa energji elektrike.

Sipas informatave të publikuara në ueb-faqen e Elektrodistribucionit, pa rrymë janë Televizioni i Maqedonisë, gjykatat dhe ndërtesat përreth, Ministria e Çështjeve Evropiane, KSHPK dhe SHPPP.

Tani për tani nuk ka informata zyrtare për shkaqet e defektit.

Nga Elektrodistribucioni kanë informuar vetëm se po punohet në tejkalimin e problemit.