Arben Fetai apo Fetai i Mexhitit! Ose: mos e ‘vet, se t’tregon vet’!

Nëse të thonë dy-tre veta se je i dehur, mbahu për gardhi! Ku të dish, ndoshta dhe je. Nëse jo i dehur, ndoshta je në ndonjë delir që s’je as vetë i vetëdijshëm!

Ka kohë që i thonë Arben Fetait një gjë, që shumëkush do të kishte thënë: ia bëjnë pr’inati!

I thonë, dhe ai s’dëgjon. Ka vendosur të ulet në prehrin e Izet Mexhitit dhe rreshtohet me VMRO DPMNE-në. Kjo do të ishte një e keqe më e vogël, sepse, do të thonë njerëzit, dje u bë faktor me votat e Aleancës për Shqiptarët (Arben Taravarit), sot shkon me VMRO-në, punë e madhe, në politikë nuk ka moral…

Por njerëzit i thonë, ka kohë, ej, shiko këndej, se ata me të cilët po shkon, nuk duan të na çojnë në Evropë! Për më tepër s’është ndonjë urtësi të ecësh në të njëjtën rrugë, kur dihet se ajo punon për një agjendë tjetër. Agjendë kundër BE-së dhe diskriminuese ndaj shqiptarëve, pak të thuash antishqiptare.

Prapë do të thotë ndonjë i paditur: ia kanë inati Fetait, se ai di çka vepron.

Por, gjithë ajo që i është thënë ditëve të fundit, e bëni “ispatë” me gojën e vet. Tha me plot gojë, sigurisht i bindur:
Tha, po, jam kundër Arben Taravarit dhe jam me Izet Mexhitin!

Vërtet, gjeniale!

Gjeniale, sepse populli kaherë e ka thënë atë fjalën e “për inat të nuses, le t’më vdesë djali”!
Ama duhet thënë troç, një “urtësi” e tillë ka dalë nga një vjehërr e keqe. Haxhuze, do të thotë populli.

Sot, pa e pyetur askush, Arben Fetai pranojë se është dorë e zgjatur e Izet Mexhitit.
“Po përpiqen të ju mashtrojnë: Arben Fetai po i shërben Izetit, po punon për Bilallin”…, shkroi Fetai në rrjetet sociale, por askush nuk e akuzoi për një gjë të tillë, edhepse sekret publik është se ai po lozë lojën e Izet Mexhiti.

Ditë më parë ai, për mes një fotografie bashkë me Mexhitin, duke i bë “karshillëk” njerëzve që ja hapën dyert e politikës në Maqedoninë e Veriut shkroi në mbishkrim “Mirë e më mirë!”.

Zoti Fetai thotë se vija e tij e kuqe është BDI-ja! Nëse e marrim si betejë politike – mund të jetë edhe në rregull! Por të dalish në rrugë me vija të kuqe me njerëz të BDI-së e VMRO-së nuk ka logjik pak z.Fetai.

Zoti Mexhiti është BDI nga këmbët deri te koka. Njërinë nga bashkëpuntorët e tu më të afërt aktual e ke pyetur se dy ditë para zgjedhjeve të parakoshme parlamentare ka bërë pazar për inetersa personale me krahun e djathtë të Artan Grubit. E ke pyetur për jaraninë e tij me mikun e ngushtë të Gruevskit e Mickoskit?

Beteja juaj kundër BDI-së është betejë pa kauzë politike! Betaja kundër BDI-së nuk nënkupton edhe betejë kundër shqiptarëve! Degradimit të hatashëm institucional!

Zotrate ti mund të shkruajsh me kalemin tëndë edhe “fillozofçe”, por kalemi i popullit shkruan vetëm drejt!

Arben Fetai apo Fetai i Mexhitit! Ose: mos e ‘vet, se t’tregon vet’!PressOnline.al
|