Bastisje në Shkup, 21 vjeçarit i gjenden kartela falcifikimi

Më 16.05.2025 në Shkup, pas një urdhri gjyqësor, oficerët e policisë nga Sektori i Krimeve Kompjuterike kryen një kontroll në shtëpinë dhe lokalet e tjera të L.K. (21) nga Shkupi, pas një hetimi të kryer më parë për shkak të ekzistencës së bazave të dyshimit për veprat penale “bërje, marrje ose tjetërsim mjetesh falsifikimi” të ndëshkueshme sipas nenit 271 të Kodit Penal, veprën penale “falsifikim kompjuterik” të ndëshkueshme sipas nenit 279-a të Kodit Penal, veprën penale “keqpërdorim i të dhënave personale” të ndëshkueshme sipas nenit 149 të Kodit Penal dhe veprën penale “dëmtim dhe hyrje e paautorizuar në një sistem kompjuterik” të ndëshkueshme sipas nenit 251 të Kodit Penal. Gjatë kontrollit, u gjetën dhe u sekuestruan një kompjuter desktop, tre hard disqe, dy laptopë, pesë USB, tre telefona celularë, afërsisht 4.000 euro, fletëpagesa dhe shpërndarje, si dhe gjoba parkimi të falsifikuara nga PE Parkingje të Komunës Qendër dhe karta policie me logon e Ministrisë së Brendshme. Pas dokumentimit të rastit, do të ngrihet kallëzim penal në Prokurorinë Themelore Publike.