Si Bilall Kasami u bë objekt tallje me “Aeroportin”. Ja çka thotë eksperti i PR-së

Nuk e kishte menduar as vet se kreu i komunës së Tetovës do të bëhej objekt tallje me një fotografi e një status. Ai ditë më parë postoi një rrugë në Tetovë e cila nuk ka përfundim, por Kasami e shkroi se po ndërtohet Aeroport duke e shkruar “Im feeling crazy” pas këtij statusi Kasamin e vërshuan me qindra komente tallje e duke i montuar edhe fotografi.

Eksperetet e fushës së marketingut thonë se jo çdo herë mund që ideja të kap qëllimin, ndonjëherë mund të shndërrohesh në qesharak dhe puna të vlerësohet me zero.
“Vet Kasami nuk e ka pritur që një fjali do shndërrohej në tallje, se sikur ta kishte ditur do kishte shkruar diçka tjetër. Ai është dashur të shkruaj “rruga dukej si aeroport”, apo “një rrugë si një aeroport ndërkombëtarë” e kështu me radhë duke përdorur si parafjalë rrugën, por ai dështoi dhe tani nga do që lexon lexuesit tallen” thotë për TS një ekspert i fushës së marketingut.

A ka marketing të keq apo ka vetëm marketing të mirë, për njohësin e fushës, ndonjëherë duke menduar ti rregullosh vetullat i nxjerr edhe sytë.
“Tash në vend që Kasami të ishte si një kryetar që ndërton rrugë, ai tash është bërë një kryetar që tallen tetovarët, tash sa do që do të bëjë punë të mira, qytetarët do të tallen me Aeroportin, aeroplanët dhe kjo më vetëm se shkon në dëm të imazhit të Kasamit”

Ekpresrti i fushës më tej thotë se Kasami është objekt tallje, ai do të ketë vështirë që rrugës të ngacmohet nga fëmijët, qytetarët duke i thënë ku e ke parkuar aeroplanin.

“Kasami mund të përballet me një llojë fushate të egër pas kësaj, sepse edhe fëmijët, apo qytetarët mund ta tallin në rrugë duke e ngacmuar se ku e ke parkuar Aeroplanin, kur ka fluturime, a do të ketë fluturim Tetovë – Dubai apo diçka të ngjashme që do ta vështirësoje jetën publike më tej” thotë njëhësi i fushës së PR-së

Por a ka fituar Kasami pas këtij marketingu negativ apo pozitiv që është përmendur kaq shumë për rrugën?
“Kasami ka humbur seriozitetin, tani ai nuk është përfshirë në një debat në rrjetet sociale si person që vërtet e ka ndërtuar aeroport, por është përfshirë si një person që populli tallet. Paramendoni tash çdo i ri në rrjetet sociale kur tallet me ty a humbësh apo fiton. Unë besojë se Kasami nuk e kishte menduar këtë, dhe kjo situatë doli jashtë koncpetit dhe karizmës së tij dhe me këtë ai ka humbur aq shumë sa që ndërtimi i rrugës nuk do të vlerësohet sepse ia mori jehonën aeroplani imagjinar i Kasamit” vlerson më tej.

Nga ana tjetër, pas fushatës negative në rrjetet sociale, ekipi i tij mundohen që të relativizojnë me humor, por fushata e talljes ka kaluar limitet e shtrijres që Kasami në çdo platformë elektronike mund të shikosh duke i hipur avionit, apo si polot që shet toka të komunës ose duke u fundosur në liqenin e krijuar të tetovarëve.