“Oops, nuk do të ketë më sulme nga këta”, Trumpi poston video tmerruese duke vrarë luftëtarët Houthi (VIDEO)

“Oops, nuk do të ketë më sulme nga këta”, Trumpi poston video tmerruese duke vrarë luftëtarët Houthi (VIDEO)

Presidenti amerikan Donald Trump ka publikuar të shtunën në “X” një video që pretendohet se tregon momentin kur dhjetëra luftëtarë Huthi vriten nga një sulm ajror amerikan në Jemen. Krahas videos, Trump shkruan ndër të tjera: “Oops”.

Pamjet bardh e zi, të ngjashme me ato të marra nga dronët ushtarakë apo avionët zbulues, tregojnë një grup njerëzish të mbledhur në formë të rrumbullakët përgjatë një rruge. Në përshkrimin që e shoqëronte videon, Trump shkruan: “Ky grup i Houthi po merrte udhëzime për një sulm”.

Pas disa sekondash në video shfaqet një shpërthim i fuqishëm në qendër të grupit. Më pas pamjet tregojnë tym.

Trump, në një tjetër koment ironik, shkroi: “Oops, nuk do të ketë më sulme nga këta Houthi. Ata nuk do të fundosin më anijet tona!”.

Forcat amerikane kanë intensifikuar operacionet ajrore në Jemen kohët e fundit, në përgjigje të sulmeve të rebelëve Houthi kundër anijeve tregtare dhe ushtarake në Detin e Kuq. Sipas mediave dhe burimeve të lidhura me grupin Houthi, dhjetëra persona kanë humbur jetën gjatë këtyre sulmeve.

Grupi rebel Houthi ka deklaruar se veprimet e tyre janë përgjigje ndaj ofensivës së Izraelit në Rripin e Gazës.