Nisin protestat kundër Trumpit nëpër qytetet evropiane

Qindra protestues – duke përfshirë edhe amerikanët që jetojnë jashtë – kanë dalë në rrugë nëpër qytetet e mëdha të Evropës si shenjë kundërshtimi ndaj administratës së Donald Trumpit, ka raportuar “The Guardian”.

Të shtunën, protestuesit janë tubuar në Frankfurt si pjesë e protestave “Hands Off” të organizuar nga Demokratët jashtë vendit.

Në Berlin, protestuesit qëndruan para një showroomi të Teslas dhe ambasadës së SHBA-së, në protestë kundër Trumpit dhe shefit të Teslas, Elon Musk. Disa kanë mbajtur shenja që bëjnë thirrje për “përfundim të kaosit” në SHBA.

Në Paris, protestuesit, shumica amerikanë, janë mbledhur për të protestuar kundër presidentit amerikan. Protestuesit mbanin pankarta me shkrime “Rezistoni tiranit”, “sundim i ligjit”, “feministët për liri – jo fashizëm” dhe “shpëtoni demokracinë”.

Turma pati edhe në Londër në sheshin Trafalgar me banere që shkruanin “hidheni Trumpin”. Protestuesit po ashtu janë mbledhur edhe në Lisbonë.