Ndodh në Maqedoni: Polici kapet me drogë në vendin e punës!

Ministria e Punëve të Brendshme ka njoftuar se është ngritur kallëzim penal kundër një nëpunësi policor nga Sektori i Punëve të Brendshme Ohër, pasi i është gjetur drogë në vendin e punës.
Siç njoftojnë nga MPB, bëhet fjalë për nëpunësin policor A.M..

“Gjatë periudhës kur nëpunësi policor A.M. është paraparë për punë dhe ka kryer detyra të punës për sigurim të vilës së Bardhë (ish vilës Maqedonia), në pronësi të Ministrisë së Punëve të Brendshme, nga ana e të punësuarve në departamentin për kontroll të brendshëm, hetime kriminalistike dhe standarde profesionale është kryer kontroll ndaj A.M. dhe në vendin e punës – shtëpizës, ku nga kontrolli i vendit të punës, në tavolinën e punës është parë lugë metali në të cilën ka pasur pluhur të bardhë, faculetë në të cilën ka pasur pluhur të bardhë dhe një shishe plastike e vogël me lëngë, me gyp të improvizuar prej bankënotës 10 denarësh, të mbyllur me foli alumini në hapjen e shishes, ku ka pasur mbetje të materies”, thuhet në njoftimin e MPB-së.

Më tej në njoftim bëhet e ditur se ndaj A.M. është kryer testim për praninë e metaboliteve nga mjetet narkotike në urnë në Institutin për mjekësi ligjore në Shkup.

Kundër A.M. është ngritur tashmë procedurë disiplinore dhe masë e detyrueshme për largim nga vendi i punës.