NATO e fokusuar për një Ballkan Perëndimor të qetë dhe stabil

Një Ballkan Perëndimor i qetë dhe stabil mbetet në fokus të Organizatës së Traktatit të Atlantikut të Veriut (NATO), ka thënë sekretari i Përgjithshëm i aleancës, Mark Rutte

Në fjalën e tij para Samitit dyditor që po mbahet në Bruksel, Rutte tha se duan të sigurohen që Ballkani Perëndimor të jetë stabil.

“Është një nga çështje që jemi fokusuar të gjithë. Siç edhe e dini, unë kam qenë në Sarajevë dhe në Prishtinë, së fundmi kisha edhe diskutime edhe me presidentin e Serbisë këtu në Bruksel. Kështu ne si NATO, jemi goxha të involvuar dhe duam të sigurohemi që Ballkani Perëndimor të jetë stabil dhe i sigurt bashkë edhe me pesë aleatët tanë: Malin e Zi, Maqedoninë e Veriut, Slloveninë, Kroacinë dhe Shqipërinë”, tha ai.

Ministrat e Jashtëm të vendeve anëtare të NATO-s janë mbledhur në Samitin dyditor që po mbahet në Bruksel, për të diskutuar çështje urgjente të sigurisë.