Mickoski: Filloi me punë fabrika „Magna Mechatronics“, investim rreth 40 milionë euro dhe punësim i 600 personave

Sot është një ditë e veçantë për të gjithë qytetarët që dëshirojnë rritje ekonomike, stabilitet dhe mundësi për përparim. Me nder dhe krenari të veçantë jemi mbledhur këtu të shënojmë fillimin zyrtar të fabrikës së re, investimit të „Magna Mechatronics“ – i cili do të jetë një akcelerator i fuqishëm i zhvillimit ekonomik dhe ndryshimeve pozitive që i krijojmë në vendin tonë.

Ky investim nuk është vetëm një projekt kapital, por një tregim i vërtetë për besimin, partneritetin dhe vizionin e përbashkët. Shtrihet në 18.000 metra katrorë, për të cilën do të investohen rreth 40 milionë euro dhe nga prezantimi i folësve të mëparshëm, mund të konkludojmë se në kulmin e investimit do të punësohen mbi 600 persona.

Falë kësaj fabrike, hapen vende të reja pune, rritet prodhimi industrial dhe forcohet ekonomia.

Vendi ynë e tregon gatishmërinë e tij për të qenë shtëpi për kompani të suksesshme dhe të konkurrueshme, të cilat jo vetëm që prodhojnë, por edhe krijojnë vlera të cilat do të ndihen ndër breza.

Si Qeveri, mbetemi të përkushtuar në krijimin e një klimë të favorshme për biznes, kushte transparente për investime dhe mbështetje për çdo sipërmarrës i cili ka vizion të investojë dhe të rritet këtu. Punojmë intensivisht për përmirësimin e infrastrukturës, reforma në arsim dhe krijimin e fuqisë punëtore të kualifikuar e cila do të plotësojë nevojat e industrisë moderne.

Si qeveri maqedonase, kishim dy tremujorë të suksesshëm ekonomikë, ishte ai i treti dhe i katërti i vitit të kaluar. Për herë të parë pas një kohe të gjatë, në tremujorin e tretë shënuam rritje të Bruto Prodhimit të Brendshëm prej 3%, ndërsa në tremujorin e katërt shkuam edhe hap më tej me 3.2%, duke u renditur ndër pesë ekonomitë me rritje më të shpejtë në Evropë. Pres që ky trend të vazhdojë edhe në tremujorin e parë të këtij viti. Nga ajo që mund të konkludojmë, paga mesatare rritet, kemi gjithashtu rritje të pensioneve. Bëjmë gjithçka që nga një situatë e rrënuar, siç e gjetëm, të krijojmë një ekonomi e cila do të jetë e konkurrueshme me ekonomitë evropiane dhe botërore.

Dua të falënderoj investitorët që e kanë parë vendin tonë si një vend me potencial dhe mundësi.

Ju falënderoj që u besoni punëtorëve tanë, ekonomisë sonë dhe komunitetit tonë. Ju falënderoj që me këtë fabrikë po sillni zhvillim, inovacione dhe një jetë më të mirë për shumë familje.

Ky është vetëm fillimi i një tregimi të suksesshëm. Jam i bindur se kjo fabrikë do të jetë dëshmi se këtu, tek ne, mund të jetë i konkurrueshëm dhe tërheqës çdo investitor që dëshiron të zhvillojë investime dhe prodhimtari.

Me këtë, me nder dhe kënaqësi të madhe, e shpall këtë fabrikë të re të hapur! Për mua, kjo ka një rëndësi të jashtëzakonshme, sepse në fakultetin ku unë jap mësim është pikërisht për atë që do të prodhohet këtu, e kjo është mekatronika. Prandaj, të përmbyll, le të sjellë sukses, prosperitet dhe përparim për të gjithë!