Mexhiti: Qeveria miratoi furnizimin e 120 autobusëve ekologjikë për transportin publik

Zv.kryeministri i parë Izet Mexhiti, njoftoi se Qeveria ka miratuar furnizimin e 120 autobusëve ekologjikë për transportin publik

“Qeveria miratoi sot furnizimin e 120 autobusëve ekologjikë, nga të cilët 80 do t’i dorëzohen NP Shkup, ndërsa 40 të tjerët do të shpërndahen në komuna, bazuar në nevojat dhe kriteret ekonomike.

Këta autobusë do të ndihmojnë në uljen e ndotjes së ajrit, mbrojtjen e mjedisit, përmirësimin e cilësisë së transportit publik dhe zhvillimin e qëndrueshëm jo vetëm në kryeqytet, por edhe në komunat e tjera”, shkruan Mexhiti.