Izraeli vrau në Bejrut eprorin terroristin e Hezbollah dhe Iranit, Hassan Ali Badir

Izraeli vrau në Bejrut eprorin terroristin e Hezbollah dhe Iranit, Hassan Ali Badir

Forcat e Mbrojtjes së Izraelit (IDF) në komunikatët e të martës njoftuan se sulmuan në lagjen Dahyie bastion të islamistëve në Bejrut ku u eliminua koordinatori i operacioneve për vasalët e tjerë terroristë të Iranit, Hamas, transmeton Gazeta Metro.

Operacioni i përbashkët i agjencive izraelite të inteligjencës Mossad e Shin Bet, me forcat ajrore rezultoi me eliminimin e eprorit terrorist, anëtar i forcës klandestine Quds të Gardës Revolucionare Islamike të Iranit mëngjesin e të martës.

Sipas komunikatës së IDF ata sulmuan një terrorist të Hezbollah i cili “rishtas drejtonte dhe asistonte operacionet e Hamas”.

Njoftimi doli të martën disa orë pasi ministria libaneze e shëndetësisë njoftoi se së paku tre persona janë vrarë dhe shtatë janë plagosur në njs sulm ajror izraelit në Bejrut.

Agjencia franceze e lajmeve AFP raportoi se burime nga Hezbollah u kishin konfirmuar se shënjestra e sulmit ishte Badir.

Badir ishte i njohur si operativ i krahut famëkeq klandestin të Gardës Revolucionare Islamike të Iranit, Forcës Quds, dhe ishte i afërt edhe me ish udhëheqësin e eliminuar të asaj dege, Qaseem Soleimani./gazetametro.net