Europol zbulon një rrjet të madh pedofilie në “Darknet” me 1.8 milionë përdorues

Sipas agjencisë gjermane DPA, operacioni është udhëhequr nga Zyra Kriminale e Bavarisë, ndërsa bastisje janë kryer në 31 vende. Janë identifikuar pothuajse 1,400 të dyshuar, ndërsa 103 persona janë aktualisht nën hetim në Gjermani.

Europol njoftoi se hetuesit nga 35 vende kanë zbuluar një rrjet të madh pedofilie në “Darknet”, i cili kishte deri në 1.8 milionë përdorues në mbarë botën. Platforma e quajtur “Kidflix” është mbyllur ndërkohë, dhe gjatë operacionit janë arrestuar 79 persona.

Përdoruesve të kësaj platforme u ishin vënë në dispozicion mbi 91,000 video me abuzime eksplicite ndaj fëmijëve. Mesatarisht, çdo orë publikoheshin tre e gjysmë video të reja.

Operacioni ndërkombëtar është koordinuar nga Europoli.