Dorrëzohet Bilall Kasami, heq dorë nga emrat e rrugëve të atdhetarëve shqiptarë

Kur Kasami u ngjitë shkallëve të komunës së Tetovës, Tetovën e ëndërronte si Tirana, edhe për nga infrastruktura por edhe nga emërtimi i rrugëve. Ai futi në kurth edhe akademikët shqiptarë që të duket më serioze ideja e tij që rrugët si Lenin, Goce Dellçev, Strasho Pinxhur, JNA dhe shumë emra tjerë ti shndrërrojë në Adem Jashari, Mujdin Aliu, Hasan Prishtina e me radhë.

Ai tentoi disa herë, por nuk pati sukses, së fundmi kryeministri Mickovski i tha hapur se deri sa ai është i gjallë dhe kryeministër kurrë Bilall Kasami nuk do të bëjë ndryshimin e emrave në Tetovë. Që nga ajo kohë, Bilall Kasami është heshtur, dhe tani nga ai shqiptari i madh, dëshrion që rrugët të mos kenë emra, por të kenë numra.

Sot është mbajtur debati i parë publik për emërimin rrugëve në Tetovë. Kryetari i komunës Bilall Kasami tha se do të duhet të mbahen katër debate të tilla, ndërsa nuk e di se a do të përfundojë ky projekt para zgjedhjeve lokale.

Sipas Kasamit me rëndësi është që qytetarët të kenë numra dhe emra në rrugët e tyre.

“Është një proces i rëndësishëm, është një projekt do kisha thënë shumë i madh dhe i rëndësishëm për Tetovën që nuk është bërë 30 vitet e fundit për Tetovën. Për mua është e pa rëndësishme a do të mbarojë në kuadër të mandatit tim, sa është me rëndësisë që Tetova dhe tetovarët të kenë emra të rrugëve dhe numra të adresave të banimit në shtëpitë e tyre”, tha Bilall Kasami.

Ndryshe, Bilall Kasami nuk ka realizuar asnjë nga premtimet që ju dha tetovarëve para katër viteve, Sheshin e Tetovës, Parkingje me kate, parkingje pa pagesë, depolitizimin e arsimit, zvoglimin e admnisitratës, ndryshimin e emrave të rrugëve, ndërtimin e stadiumit të Tetovës, investimet në Kodrën e Diellit, Fabrikën e Çipsit në Reçicë dhe shumë premtime tjera. Zgjedhjet komunale pritet të mbahen në Tetor të këtij viti, nga VLEN si kandidat që ka shpallur kandidaturën është vetëm Bilall Kasami./TS/