Bekim Sali në Uashington: Kemi realizuar takime të rëndësishme në Kongresin dhe Senatin amerikan

Deputeti Bekim Sali së bashku me një grup deputetësh nga RMV-ja po qëndrojnë për vizitë në SHBA me ftesë të ambasadës amerikane në Shkup.

Statusi i plotë i deputetit Sali:

Gjatë këtyre ditëve po qëndroj në Shtetet e Bashkuara të Amerikës me një delegacion të Kuvendit të Republikës së Maqedonisë së Veriut, në kuadër të programit Open World, me ftesë nga ambasada e SHBA-ve në Shkup.

Vizita po zhvillohet në Uashington dhe në shtetin Vermont, ku kemi realizuar takime të rëndësishme institucionale, përfshirë takime në Kongresin dhe Senatin amerikan. Pata gjithashtu mundësinë të takoj kongresmenët Robert Aderholt dhe John Rutherford, me të cilët shkëmbyem mendime mbi marrëdhëniet ndërmjet dy vendeve dhe përforcimin e bashkëpunimit.