Avokati i Thaçit e quan të dobët Prokurorinë në Hagë

Dita e 179 e gjykimit nuk i shkoi sipas planit Prokurorisë.

Zyra me në krye Kimberly West, prokurorja e katërt që e udhëheq ZPS-në, nuk arriti ta sjellë në gjykim dëshmitarin e fundit, as me video-lidhje, raporton Klan Kosova.

As ky, e as 125 dëshmitarët tjerë në gjykatë, nuk kanë arritur të provojnë asgjë nga akuzat e Prokurorisë për këto dy vjet, sipas kryembrojtësit të Hashim Thaçit, Luka Misetiq.

Avokati amerikano-kroat s’e fsheh çudinë që herë pas here kishte për dështimin që shihte.

Misetiq, i cili bashkë me avokatë e Veselit, Krasniqit dhe Selimit do të kërkojë rrëzimin e aktit akuzues, bën të ditur se do të sfidojnë pika të caktuara të rastit të madh të ZPS-së.

Meqë vlerëson se Thaçit e të tjerëve u janë marrë shumë vjet nga jetët, nuk synojnë t’i lënë të presin ende gjatë në paraburgim andaj numri i dëshmitarëve të Mbrojtjes, nëse i thërrasin, nuk do të jetë i madh.

Kronikën e plotë e gjeni në vijim: